Isak Shehu lindi në Dibër me 21 gusht 1956 dhe shkollën tetëvjeçare e të mesme i kreu në Peshkopi. Jeta kulturore - artistike e këtij qyteti në këtë periudhe ka qene mjaft e pasur, gjë që ndikoi drejtpërsëdrejti në zhvillimin e prirjeve të tij artistike. Nën drejtimin e Tonin Rrotës (kompozitor i njohur, atëherë drejtues muzike në Estradën e Peshkopisë) dhe Zef Çobes (një kompozitor dhe dirigjent shkodran që punoi ato vite në Peshkopi), mori mësimet e para të muzikës, ku filloi menjëherë me mjaft sukses të shkruajë këngët e para dhe të luajë si orkestrant në orkestrën e qytetit.
